ჰარამით ნუ იმკურნალებთ
بِسْمِ اللهِ الرَّحْمنِ الرَّحِيمِ
კითხვა: მკურნალობის მიზნით ლუდის დალევა შეიძლება? თირკმლებში კენჭი მაქვს და ამისთვის ლუდი მირჩიეს. მკურნალობის მიზნით ლუდს თუ დავლევ ამით რამე დაშავდება?
პასუხი: ძვირფასო ძმაო! უპირველესად უნდა გითხრათ, რომ ვინც თირკმლის კენჭისთვის ლუდის დალევა გირჩიათ, მას ისლამის წესები არ ცოდნია. მე ორივეს პასუხად ვიტყვი შემდეგს:
ისლამი ამგვარ რამეებზე არავითარ შემთხვევაში არ გასცემს ნებართვას. ანუ რაც ისლამმა ჰარამად დააწესა მისი საშუალებით არც მკურნალობის ნებას გასცემს.
უმმუ სელემე (კ.ა.მ.) გადმოგვცემს: ალლაჰის შუამავალმა (ა.ლ.ს.მ.) ბრძანა:
„ჭეშმარიტად ალლაჰი არ დაგიდგენთ განკურნების მიზეზად იმას, რაც თქვენთვის ჰარამია.„
ალლაჰის შუამავალი (ა.ლ.ს.მ.) სხვა გადმოცემაში ასე ბრძანებს:
„ჭეშმარიტად ალლაჰს სნეულებაც და მისი წამალიც გაუჩენია, ასე რომ იმკურნალეთ. ოღონდ ჰარამით ნუ იმკურნალებთ.„
სუვეიდ ბინ ტარიყ ალ-ჯუფიმ (კ.ა.მ.) ალლაჰის სუამავალს (ა.ლ.ს.მ.) ღვინის შესახებ ჰკითხა. შუამავალმა (ა.ლ.ს.მ.) მას აუკრძალა. ტარიყმა:
მე მხოლოდ წამლად ვსვამო უთხრა. შუამავალმა კვლავ აუკრძალა. ტარიყი კვლავ ეკითხებოდა, რომ ის მხოლოდ წამლად იყენებდა. ამჯერად შუამავალმა ასე უპასუხა:
ეგ წამალი არ არის, ეგ ავადმყოფობაა.
თაჯუდდინ ალ-ბაიბურდი
|
