84) ებუ მუსლიმი ან ებუ იას სელემე ბენი ამრ ბენი ექვასგან (კმაყოფილი იყოს ალლაჰი მისგან) ასეა გადმოცემული:
„ერთმა კაცმა ალლაჰის შუამავალთან (ს.ა.ვ) მარცხენა ხელით აიღო ლუკმა. ალლაჰის შუამავალმა (ს.ა.ვ) ასე ბრძანა: მარჯვენა ხელით ჭამე! მან არ შემიძლიაო უპასუხა. ამდროს შუამავალმა უთხრა: და ეს ვეღარასოდეს შეძლო! იმ კაცმა სიამაყის გამო თქვა ასე და მის შემდეგ ვეღარასოდეს მიჰქონდა პირთან ხელი.„ (მუსლიმი)
85) ებუ აბდულლაჰ ნუმან ბინ ბიშრის (კმაყოფილი იყოს ალლაჰი მისგან) ასეთი ნათქვამია გადმოცემული:
„გავიგონე, რომ ალლაჰის შუამავალი (ს.ა.ვ) ასე ამბობდა: (ნამაზზე დგომისას) დაიცავით რიგების სისწორე თორემ ალლაჰი მიმართულებებს შეგიცვლით (თქვენს შორის განხეთქილებასა და არეულობას შემოიტანს).„ (ბუჰარი და მუსლიმი)
მუსლიმის სხვა მონათხრობის მიხედვით ასე ბრძანებს:
„ალლაჰის შუამავალი (ს.ა.ვ) ყოველთვის ისარივით ასწორებდა ჩვენს რიგებს; სანამ ეს ჩვევად არ გვექცეოდა. ერთ დღეს ნამაზის სალოცავად იყო გამოსული, ის იყო თექბირი უნდა წარმოეთქვა, რომ შეამჩნია ერთი კაცი რომელსაც მკერდი რიგიდან წინ ქონდა გამოშვერილი. მასინ მან ასე ბრძანა: ალლაჰის მსახურნო, რიგების სისწორე დაიცავი, თორემ ალლაჰი მიმართულებებს შეგიცვლით (თქვენში განხეთქილებასა და არეულობას შემოიტანს)„
86) ებუ მუსასგან (კმაყოფილი იყოს ალლაჰი მისგან) ასეა გადმოცემული:
„მედინაში ღამით ერთი სახლი შიგ მყოფ ხალხთან ერთად დაიწვა. როდესაც მათ შესახებ ალლაჰის შუამავალს (ს.ა.ვ) უამბეს მან ასე ბრძანა: ცეცხლი თქვენი მტერია; დაძინებამდე იგი ჩააქრეთ.„ (ბუჰარი და მუსლიმი)
87) აბის ბინ რაბიას (ს.ა.ვ) ასეთი ნათქვამია გადმოცემული:
„მე ვნახე ომერ ბინ ჰატტაბი (კმაყოფილი იყოს ალლაჰი მისგან) შავ ქვას კოცნიდა და ასე ამბობდა: უეჭველად ვიცი რომ შენ მხოლოდ ქვა ხარ და არც კარგის გაკეთება შეგიძლია და არც ცუდის. რომ არ მენახა თუ როგორ გკოცნიდა ალლაჰის შუამავალი არც მე გაკოცებდი.„ (ბუჰარი და მუსლიმი)
