მომარხულეს ძილში რომ დიდი აბდესი
მოეშალოს ამით მარხვა მოიშლება?

კითხვა: რამაზანში ღამით ძილში დიდი აბდესი რომ მომეშალოს, შემდეგ ჯუნუბობისგან განწმენდისთვის დავიბანო ეს მარხვას მოშლის თუ არა?

პასუხი: კითხვის ავტორი გვეკითხება, რომ ძილში დიდი აბდესის მოშლა მარხვას მოშლის თუ არაო. ეს თემა ზოგიერთებს აბნევს. ამიტომაც მე ვალდებული ვარ გიპასუხოთ. ძილში დიდი აბდესის უნებლიედ მოშლის შემთხვევაში მარხვა არ მოიშლება. ძილში სპერმის დაღვრა ადამიანის სურვილისდამიუხედავად ხდება. ძილში სპერმის დაღვრა მარხვას არ დააბრკოლებს, ამიტომ მან მხოლოდ ჯუნუბობისგან განსაწმენდად უნდა დაიბანოს, რაც მარხვას არ მოშლის. რადგან ჯუნუბობის შემდეგ დაბანა შარიათის დამდგენელის (ალლაჰის) მიერაა ნაბრძანები. ჯუნუბობა მუსლიმანის მარხვას არ მოშლის. რადგან ეს საპატიო შეცდომებისგან ერთ-ერთია. უზენაესი ალლაჰი წმინდა ყურანში ასე ბრძანებს:

وَلَيْسَ عَلَيْكُمْ جُنَاحٌ فِيمَا أَخْطَأْتُم بِهِ وَلَٰكِن مَّا تَعَمَّدَتْ قُلُوبُكُمْ

ცოდვა არ გაქვთ რაშიც შეცდით, მხოლოდ ის (არის ცოდვა) რაც განიზრახა თქვვენმა გულებმა.[1]

ალლაჰის შუამავალიც (ა.ს.ლ.) ასე ბრძანებს: “უეჭველად ჩემს მიმდევრებზე შეცდომით და დავიწყებით ჩადენილი ცოდვები ნაპატიებია.”[2]

წყარო: პროფესöრ დოქტორი იუსუფ ალ-ყარდავი, ფეთვები, ტ. 1, გვ. 401-42.

[1] სურა აჰზაბ, 33/5.

[2] ტაბერანი იბნი ომერისგან (კ.ა.მ.) სარწმუნო ჯაჭვით გადმოგვცემს. ასევე სუიუთი ‘ეშბაჰ’ სახელობის ნაშრომში გადმოგვცემს. სუიუთი ასევე ‘მუ’ჯემულ ქებირ’ სახელობის ნაშრომში იბნი აბბასისგან (კა.ა.მ.) გადმოგვცემს. ჰააქიმიც იბნი აბბასისგან (კა.ა.მ.) გადმოგვცემს და ასე ამბობს: ეს ჰადისი სარწმუნოა. იბნი მაჯე იბნი აბბასისა და ებუ ზერრისგან (კ.ა.მ.) გადმოგვცემს. ეს ჰადისი ასევე იმამ ნევევის 40 ჰადისს შორის იმყოფება.