“შენ რომ არა სამყაროს არ გავაჩენდი” ჰადისი სარწმუნოა?

ისლამის მეცნიერების კვლევისა და ფეთვის კომისიაში შემოსული კითხვა:

კითხვა: “შენ რომ არა, შენ რომ არა, სამყაროს არ გავაჩენდი.” ეს ჰადისი სუსტ ჰადისებს მიეკუთვნება თუ ცრუ ჰადიებს?

პასუხი: ალ-აჯლუუნიი ამ ჰადისს ქეშფუ’ლ-ჰაფაა ვე მუზიილუ’ლ-ილბაას ‘ამმა იშთეჰერე მინე’ლ-ეჰაადიისი ‘ალაა ელსინეთი’ნ-ნაას სახელის მქონე ნაშრომში მოყვანილი აქვს და თან ამბობს: “ას-საღაანიი ამბობს, რომ ეს ჰადისი ცრუა.” ალ-აჯლუუნიი ამის შემდეგ ასე აგრძელებს: “ეს ჰადისი რომც არ იყოს მნიშვნელობით სიმართლეა.” ჩვენ ვამბობთ რომ, პირიქით ეს გადმოცემა სიტყვებითაც და მნიშვნელობითაც ბათილია. რადგან უზენაესმა ალლაჰმა ყველა არსება, მხოლოდ მისდამი სათაყვანოდ გააჩინა. ის ბრძენ ყურანში ასე ბრძანებს: “(სხვა არანაირი მიზნით) არ გამიჩენია ჯინები და ადამიანები გარდა ჩემზე თაყვანისცემისა.”[1] არც შუამავლისგან (ა.ლ.ს.მ.) არ არსებობს გადმოცემა, რომელშიც მას ეთქვას, რომ სამყარო ან რომელიმე არსება მისთვისაა გაჩენილი.

ამ ჰადისს მუჰამმედ ბინ ‘ალი ეშ-შევქანი ალ-ფევააიდუ’ლ-მეჯმუუა სახელობის ნაშრომში ცრუ ჰადისთა სიაში მოიხსენებს. ის ასე ამბობს: “საღანი ამბობს, რომ ეს ჰადისი ცრუა. ამის არგუმენტი უზენაესი ალლაჰის ეს აიათია: “ალლაჰია, რომელმაც გააჩინა შვიდი ცა და დედამიწაზეც იმდენივე. ჩამოევლინება (ალლაჰის) ბრძანება მათ შორის. რათა შეიცნოთ, რომ ალლაჰი ჭეშმარიტად ყოვლის შემძლეა და უეჭველად ალლაჰი ყველაფერს გარემოიცავს (თავისი) ცოდნით.”[2]

წარმატება ალლაჰისგანაა. ალლაჰის ლოცვა და სალამი მის შუამავალს.

წევრი: ‘აბდულლაჰ ბინ ქუუდ

წევრი: ‘აბდულლაჰ ალ-ღუდეიან

წევრი: ‘აბდურრეზზაყ ალ-აფიფი

თავმჯდომარე: ‘აბდულაზიზ ბინ ‘აბდულლაჰ ბინ ბააზ

წყარო: ფეთაავაა ალ-ლეჯნეთუ’დ-დააიმე (1/1/465)

[1] სურა ზარიათ, 51/56-ე აიათი.

[2] სურა ტალაყ, 65/12-ე აიათი.